عبد اللہ کے گھر کا جایا

عبد اللہ کے گھر کا جایا
آمنہ کی ہے گود کھلایا

ہاشمیوں نے جشن منایا
جھولا جبرائیل جُھلایا

کیوں نہ کہوں پھر میں بھی ہر دم
صل اللہ علیہ وسلم

تو ہے نوری چہرے والا
جگ میں جس سے ہوا اجالا

خلق بھی کرنے والا تیرا
تجھ کو مدثر کہنے والا

نام ہے جس بو القاسم
صل اللہ علیہ وسلم

یادِ نبی میں غرق ہوا ہے
وہ ذرہ اب زرق ہوا ہے

مثلِ براق وہ برق ہوا ہے
طیبہ جب سے دور ہوا ہے

آنکھیں تب سے میری پرنم
صل اللہ علیہ وسلم

تجھ کو بلا کے عرش پہ اپنے
اپنا جلوہ دکھانے والا

عرش کے در و بام پہ احمد
تیرا نام سجانے والا

کر دو کرم رسولِ معظم
صل اللہ علیہ وسلم

دیکھو احمد کون ہے آیا
کہتے ہیں سب آمِنہ کا جایا

جس نے خدا کا گھر ہے سجایا
باطل کا ہر بت ہے گرایا

تیرا ہے جو اس کو کیا غم
صل اللہ علیہ وسلم