میں سیتا ہوں تُو رام سہی
مرا جیون تیرے نام سہی
ماتھے کی یہ بندیا چمکیلی
ہونٹوں کی یہ لالی شرمیلی
یہ زُلف نہیں،یہ شام سہی
مرا جیون تیرے نام سہی
آ ماتھے پر سیندور لگا
دھڑکن میں نیا سنگیت جگا
تجھے اور ضروری کام سہی
مرا جیون تیرے نام سہی
یہ پیت کی اگنی چنچل ھے
بانہوں کی یہ چُوڑی بیکل ھے
بن باس میں اب آرام سہی
مرا جیون تیرے نام سہی
یہ نین کٹیلے کجرارے
تجھے دیکھ کے سُدھ بُدھ ہیں ہارے
یہ روگ بہت بدنام سہی
مرا جیون تیرے نام سہی
آنچل کو ھوا لہراتی ھے
مجھے لاج سی خود سے آتی ھے
بیخود سا کوئی پیغام سہی
مرا جیون تیرے نام سہی
