فتووں کے لکھانے سے علی ع کم نہیں ہوتا
مُلاں کے گھٹانے سے علی ع کم نہیں ہوتا
میدان کی زینت ھے فقط حیدری نعرہ
یوں شور مچانے سے علی ع کم نہیں ہوتا
ترتیب میں توریت ھے قرآن سے پہلے
پہلے کوئی آنے سے علی ع کم نہیں ہوتا
تعظیم علی ع کی تو ھے آدم پہ بھی واجب
آدم کو بڑھانے سے علی ع کم نہیں ہوتا
تم دوش نبوت سے ہٹا کر بھی دکھاؤ
مسند سے ہٹانے سے علی ع کم نہیں ہوتا
کعبے کا بھی مولود ھے اوروں کے برابر ؟؟
یوں شان گھٹانے سے علی ع کم نہیں ہوتا
ہر دور میں مولا کے فضائل کو چُھپا لو
یوں شان چُھپانے سے علی ع کم نہیں ہوتا
پہلا کہو ، چوتھا کہو، جو دل کہے مانو
ترتیب ہٹانے سے علی ع کم نہیں ہوتا
بہتر ھے کہو تمکو علی ع سے ھے عداوت
یوں فتوے لگانے سے علی ع کم نہیں ہوتا
تم نعرہ سلونی کا لگا کر بھی دکھاؤ
القاب چُرانے سے علی ع کم نہیں ہوتا
تقلید کو کہتے ہو ولایت کے برابر ؟
مُلاں کے ترانے سے علی ع کم نہیں ہوتا
