مسکرانے میں بڑی دیر لگی

فاخرہ بتول14 اکتوبر 2018غزل61439

مسکرانے میں بڑی دیر لگی
آزمانے میں بڑی دیر لگی

اسکو کھونے میں تو اک پل نہ لگا
جس کو پانے میں بڑی دیر لگی

ھم کو بھی اس سے محبت تھی مگر
یہ بتانے میں بڑی دیر لگی

ہجر نے مار دیا تھا پہلے
موت آنے میں بڑی دیر لگی

یاد رکھنا کوئی آسان نہ تھا
بھول جانے میں بڑی دیر لگی

دل نے سینے سے رہا ہو کے کہا
قید خانے میں بڑی دیر لگی

راکھ ہوتا گیا پل بھر میں بتول
گھر بنانے میں بڑی دیر لگی

فاخرہ بتول

فاخرہ بتول نقوی ایک بہترین شاعرہ ہیں جن کا زمانہ معترف ہے۔ فاخرہ بتول نے مجازی اور مذہبی شاعری میں اپنا خصوصی مقام حاصل کیا ہے جو بہت کم لوگوں کو نصیب ہوتا ہے۔ فاخرہ بتول کی 18 کتب زیور اشاعت سے آراستہ ہو چکی ہیں جو انکی انتھک محنت اور شاعری سے عشق کو واضح کرتا ہے۔ فاخرہ بتول کو شاعری اور ادب میں بہترین کارکردگی پر 6 انٹرنیشنل ایوارڈز مل چکے ہیں۔

مسکرانے میں بڑی دیر لگی

سبھی ہیں غیر ایسے میں مِرا مسلمؑ اکیلا ہے

کعبے کا یہ کعبہ ہے کہ تصویر جلی ہے

جو حاجت روا ہے، جو نور خدا ہے

فاخرہ بتول