1. ہوم/
  2. نظم/
  3. فاخرہ بتول/
  4. محبٌت میں کبھی دورائے کا امکاں نہیں ہوتا

محبٌت میں کبھی دورائے کا امکاں نہیں ہوتا

!

یہ ہوتی ہے ___ تو ہوتی ہے

نہیں ہوتی تو _____جتنا بھی جتن کر لو، نہیں ہوتی

____کوئی اچھا اگر لگ جائے تو

۔ ۔ ۔ ۔ ۔ سب خامیاں اُسکی

اچانک، خوبیوں کی اوڑھنی میں چُھپ سی جاتی ہیں

زمانہ لاکھ سمجھائے __ سنبھل جاؤ

وہ ایسا ہے ___ وہ ویسا ہے

سمجھ میں کچھ نہیں آتا

سماعت اور بصارت کو سُجھائی کچھ نہیں دیتا

سمجھ آتا ہے ____ اُس لمحے

کہ جب دامن میں لاکھوں چھید ہو جائیں

کبوتر کے پروں کے ساتھ لپٹے سب عیاں جب بھید ہو جائیں

یہ ہوتی ہے ___ تو ہوتی ہے

نہیں ہوتی تو _____جتنا بھی جتن کر لو، نہیں ہوتی

فاخرہ بتول

فاخرہ بتول نقوی ایک بہترین شاعرہ ہیں جن کا زمانہ معترف ہے۔ فاخرہ بتول نے مجازی اور مذہبی شاعری میں اپنا خصوصی مقام حاصل کیا ہے جو بہت کم لوگوں کو نصیب ہوتا ہے۔ فاخرہ بتول کی 18 کتب زیور اشاعت سے آراستہ ہو چکی ہیں جو انکی انتھک محنت اور شاعری سے عشق کو واضح کرتا ہے۔ فاخرہ بتول کو شاعری اور ادب میں بہترین کارکردگی پر 6 انٹرنیشنل ایوارڈز مل چکے ہیں۔